Soàⁿténg pah-hun-ci-pah kui pah pha ēng hōló'oē teh siá ê blo̍k iáu bô cē. Kîtiong ê ci̍t tah to̍h sī "Wa Si Hokkien Lang", ēng lômájī siá ê, cokciá "Hokkien Lang" ùi Malakkah cúikau'á (Selat Melaka) hit tah lâi.

Ùi hia lâi ū teh hoāⁿ 100% hōló'oē blo̍k ê lâng si̍tcāi kài ció. Tòpéng ū ci̍t khoán lâng kui kang teh soan Hokkien Lang cit tīn lâng ná ánne the̍h pe̍hlâng ê jī teh siá hōlóbûn, khausé in sī "ângmo͘sái" téngténg, beh siá hōlóbûn bēhiáu the̍h hànjī lâi siá.

Hit tīn "cînnásái" (秦아屎) bô lō͘'ēng ê phó͘thongsî ia̍h bô teh siá poàⁿ kù hōló'oē, si̍tcāi cia̍h ângmo͘sái cia̍h siuⁿ kú m̄ cai bī, bēhiáu phīⁿ. M̄ koh, "Hokkien Lang" sī ánne kóng ê:

Wu lang ti jit geh blog kong wa lang eng ang moh piak hokkien wueh sibeh siah sueh, sibeh boh standard. Kong limpeh eh hokkien wueh zao chooi. Kong lu lang eh hokkien wueh kanasai. Tapi beh hiao kin! Limpeh kong simik lanjiao lu lang beng pek, lu lang pang simik comment limpeh eh hiao thak. Beh hiao thak, eh sai meng limpeh. Eng emiao mah eh sai. Limpeh thar tiok eh reply lu eh.

Ū lâng tī cit kê blo̍k kóng goálâng ēng ângmo͘ phah(?) hokkiàn'oē síbê siaⁿsoe(?), síbê bô standard. Kóng línpē ê hokkiàn'oē cáuchùi(?). Kóng lúlâng ê hokkiàn'oē káná sái. Tapi bē iàukín! Línpē kóng símmih lānciáu lúlâng bêngpe̍h, lúlâng pàng símmih comment línpē ēhiáu tha̍k. Bēhiáu tha̍k, ēsái mn̄g línpē. Ēng emiao mā ēsái. Línpē tha̍k tio̍h ē reply lú ê.

有人 tī cit kê blo̍k 講我人用紅毛 phah(?) 福建話 síbê 声衰(?), síbê 無 standard。講 línpē ê 福建話走 chhùi(?)。講汝人 ê 福建話假 ná 屎。Tapi bē 要緊！Línpē 講 sím 乜 lān 鳥汝人明白，汝人放 sím 乜 comment línpē 会暁読。Bē 暁読，会 sái 問 línpē。用 emiao mā 会 sái。Línpē 読着会 reply 汝 ê。

goálâng/lúlâng = goán/lín, tī cia goálâng = lán
síbê (Malakkah cúikau'á hōló'oē; siaⁿtiāu bô kài khaktēng) = ū kàu, si̍tcāi ū kàu, huisiông
standard (enggí) = phiaucún
tapi (ùi málai'oē lâi) = m̄ koh, tānsī
emiao = enggí email
siaⁿsoe: 番 mā m̄ cai, ài siá phoe mn̄g Hokkien Lang
cáuchùi: 番 mā m̄ cai, ài siá phoe mn̄g Hokkien Lang