Lán họ 佬話 Wiki 寫講閩南語 sị「漢語閩方言 cit 欉大樹欉 ẻ 一 ki 樹 oe」。TaiLingua eng 語網站 kạ 人介紹 họ 佬話，頭一句話 tọh 講，「台湾話 sị 台湾三分之二 ẻ 人 teh 講 ẻ 一種漢語言。」翻譯 sị ánne 翻 ẻ，ṃ koh 伊本底無 kạ 講做「漢語言」，翻 khah 頂真 leh，伊 kạ 講做 sị「支那語言」、「秦語言」ẻ 一種。Mài 講紅毛 ẻ ṃ bat tạicì。想看 mại，lán 逐 ẻ 人普遍 lóngmạ 掠做 họ 佬話 sị 一種 kài 古早 ẻ 中国話，甚至有人講北京話 sị 北 pẻng 番 á ẻ 話，ah họ 佬話 ciah sị 真正 ẻ 中国話。Ánne kám 真？
參考：www.tailingua.com （其実 cit ẻ 網站加真 cán）
閩南語本底 sị 番 á 話漢化千外冬 ẻ 產品
其実，hit 種講法無合事実。秦、漢語及唐語 sị họ 佬話內底一部份 nạ 定。古早古早，閩南 hit tah lóng 番 á，秦漢人無 goạ cẹ。Hiah'ẻ 番 á tọh sị họ 佬人及客人 ẻ 祖公 ẻ 主流。In 世世代代暫暫接受漢文化 ẻ 影響，甚至學漢語、号漢名，不時 koh 有 漢移民 ùi 北 pẻng 落南，去 kàu 閩南 tòa 在地人中間企（khiạ）起。Ce tọh sị 閩南及廣東、越南 ciah'ẻ 所在漢化 ẻ 故事。Cit 百外年以來，koh 有中国及日本 è 媒体及官方教育 teh 引 choạ họ 佬人継続漢化起去。
閩南人抑未透底漢化 ẻ，kàu tann iáukoh 有
純番 á tị 閩南 iáu 有。Címmá khah 無 teh 講人 sị 番 á，lóng khah ài 講 in sị 少数民族。閩南 iáu 有畲人 sị 少数民族。畲人 tòa 內山所在，講 ẻ 語言 sị 客話。四五百冬前，hit cụn in 人 iáu 真 cẹ，in 無 beh 接受漢人 kạ in 統治，in tọh 起義、反抗，結果中囯派兵 á kạ in càm kah kài 悽慘，he sị 畲人尾 pái 起義、反抗，了後 in tọh 轉做 sị 中国番 á ah，甚至継続漢化，ùi 畲人変做漢人、華人、客人，進一步去 kàu 南海、東洋、西洋 teh 討食、企起。Cit 段歷史 lòlò 長，汝 nạ 有趣味 koh 會曉読華語，我見議汝會駛家己 liảu 落去読，ṃ koh 資料 khah pháinn chọe 無 ṃ 着，kiámchái ài 去 kàu 大間研究所圖书館 ciah chọe 會着。
語言歷史加真 lỏ，到底 họ 佬話 tó 一部份 sị 秦語、tó 一部份 sị khah 早 ẻ 閩南語言、tó 一部份 àn 別位來 ẻ，有 tang 時 á 実在分 lóng bẹ 清。重点 tọh sị 講，kàu tann tị 亞洲東南 péng iáukoh 有 họ 佬話 cit 種美麗 ẻ 語言，雖然受着漢語 è 影響不止 á 重，ṃ koh 究真 ṃ sị ùi 古早漢語演変出來 ẻ。無 lán 哪着 khiú ciah cẹ lỏmá 字 ciah 會 tàng 寫出正統 ẻ họ 佬話？無 lán hiah ẻ kanna 會曉読華語抑 sị 廣府話 ẻ 朋友 nạ beh 読 ce kám 看有？
所以，旣然閩南語 ṃ sị 漢語、支那語、秦語、唐語，到底 beh áncoánn 介紹、解說 lán 人話 ciah 合事実 koh hợ 人會 tàng 瞭解？無 lán 等 leh mạ 落手來 kạ 試看 mại。
張克輝屠殺閩南人，詳閱我的部落格
回覆刪除